About Me

പാറശ്ശാല മുഹമ്മദ് അബ്ദുൽ ഖാദർ ( മൈനർ സാഹിബ്) ന്റെയും, പനച്ചമൂട് ഐഷാ ബീവിയുടെയും മകനായി 1959 മെയ് 21ന് പനച്ചമൂട്ടിൽ ജനനം . ബാല്യകാലം പാറശ്ശാല ഇഞ്ചി വിളയിൽ. പാറശ്ശാല ഇഞ്ചിവിള ഗവൺമെന്റ് എൽ പി സ്കൂളിൽ പ്രാഥമിക വിദ്യാഭ്യാസം. തുടർന്ന് പാറശ്ശാല ജി എച്ച് എസ് എസ്, വെള്ളറട ഗവൺമെന്റ് യുപിഎസ് എന്നീ സ്കൂളുകളിൽ അപ്പർ പ്രൈമറി വിദ്യാഭ്യാസം. കാരക്കോണം എച്ച് എസ് എസിൽ ഹൈസ്കൂൾ വിദ്യാഭ്യാസം. ധനുവച് ചപുരം ഐടിഐ , ഭാരത് ഇൻസ്റ്റിറ്റ്യൂട്ട് ഓഫ് ടെക്നോളജി കരമന, പ്രകാശ് കോളേജ് വെള്ളറട എന്നിവിടങ്ങളിൽ തുടർ വിദ്യാഭ്യാസവും പൂർത്തീകരിച്ചു.

1988 കേരള പോലീസിൽ ജോലിയിൽ പ്രവേശിച്ചു. തുടർന്ന് 1988 ഡിസംബർ 7 ന് പനച്ചമൂട് വേങ്കോട് മുഹമ്മദ് അബ്ദുൽ ഖാദറിന്റെയും പുതുക്കുറിച്ചി മൈമൂനത്ത് ബീവിയുടെയും മകൾ ബിവി ജഹാനുമായി വിവാഹം. പോലീസ് കോൺസ്റ്റബിൾ, ഹെഡ്കോൺസ്റ്റബി ൾ, എന്നീ തസ്തികകളിൽ ജോലി ചെയ്യുകയും പോലീസ് സബ് ഇൻസ് പെക്ടറായി വിരമിക്കുകയും ചെയ്തു.

സേവന കാലയളവിൽ നന്ദാവനം ഏ ആർ ക്യാമ്പ്, തമ്പാനൂർ പോലീസ് സ്റ്റേഷൻ, ഫോർട്ട് പോലീസ് സ്റ്റേഷൻ, തിരുവനന്തപുരം എയർപോർട്ട്,എസ് ബി സി ഐ ഡി സെക്യൂരി റ്റി തിരുവനന്തപുരം സിറ്റി, പോലീസ് കൺട്രോൾ റൂം,തിരുവനന്തപുരം, സിറ്റി നാർകോട്ടിക് സെൽ തിരുവനന്തപുരം, എസ് ബി സി ഐ ഡി സെക്യൂരിറ്റി വിംഗ് എന്ന ിവിടങ്ങളിൽ സേവനം. കൂടാതെ ഗവണ്മെന്റ് ചീഫ് വിപ് ശ്രീ കെ പി എ മജീദ് അവർകളുടെയും രണ്ടു തവണ മുൻ മന്ത്രി ഡോ. എം കെ മുനീർ അവർകളുടെയും ഗൺമാൻ ആയി സേവനം അനുഷ്ഠിച്ചു.

നാൾവഴികളിൽ ഹൈസ്കൂൾ വിദ്യാഭ്യാസ കാലഘട്ടം മുതൽ കേരളത്തിലെ വിവിധ കലാ സാംസ്കാരിക സംഘടനാ മേഖലകളിൽ പ്രവർത്തിച്ചു. ഇന്നും കേരളത്തിലെ പ്രമുഖ സംഘട നകളിൽ പ്രവർത്തിച്ചുവരുന്നു..